ඒ ඉන්දියාවේ Star Play TV නාලිකාවේ ජනප්‍රිය “Diya Aur Baati Hum” මෙගා ටෙලිනාට්‍යයේ ‘සන්ධානා’ චරිතයට පණ පෙවීම නිසා ලැබි ඇති ජනප්‍රියත්වය නිසාය.මේ දිනවල ශ්‍රී ලංකාවේ සිරස නාලිකාවේ ‘ස්වප්නා’ නමින් සිංහල හඬ කවා විකාශනය වන්නේ මෙම ටෙලි නාට්‍යයයි.
කළමනාකාර උපාධිධාරිනියක වන දීපිකා රඟපෑම වෙනුවෙන් සිය වෘත්තීය පසුබිම අතහැර දමා දිල්ලිය හැර බොම්බායට ආවේ ඒ කුඩා කාලයේ සිට ඇතිවූ සිහිනයක් සැබෑවීමකිනි.
අඩි 5 අඟුල් 2ක් උස දීපිකා සුප්‍රකට බොලිවුඩ් හා සසඳන විට මිටි යුවතියකි. එහෙත් ඉන් ඇගේ ජනප්‍රියතාවයට බාධාවක් වී නැත. ග්‍රෑම් 52ක් බර ඇගේ සිරුරේ මිම්ම පවා ඕපදූපකරුවන්ගේ ග්‍රහණයට නතුව ඇත. A 34-25-26 වශයෙනි. පාවහන්වල ප්‍රමාණය 7ය. ඇගේ පියා ඇඟලුම් කර්මාන්තයේ නිරත අයෙකි. ඇයට පූර්වා නමින් නැගෙණියක සිටී.
පන්ජාබ් තරුණියක වන ඇය පන්ජාබ්, හින්දි, ඉංග්‍රීසි භාෂා මැනවින් හසුරුවන්නීය. පන්ජාබ් ආහාර ගැනීමට රුචියක් දක්වන ඇගේ විනෝදාංශය වන්නේ නවකතා හා වෙනත් පොත් කියවීම සහ සංගීතයට සවන් දීමයි.
ඇගේ අනාගත සහකරු ගැන කතා කරන දීපිකා පවසන්නේ ඔහු ආකර්ෂණීය පුද්ගලයකු වීම අනිවාර්ය කරුණක් නොවන බවයි. ඇයට අවශ්‍යව ඇත්තේ ඇයත් ඇගේ පවු‍ලේ අයත් අවබෝධ කරගත හැකි සහකරුවෙකි. ඇය පැවසුවේ වෘත්තියෙන් එහා ජීවිතයේ තමන් සමග ගත කිරීමට හැකි අයකු හා විවාහ වීම ඇගේ බලා‍පොරොත්තුව බවයි.
දිල්ලිය ඇයට කීර්තිය ළඟාකර දුන් නමුත් තම පවුලත් පන්ජාබ් රසිකයනුත් දමා ඒමට වීම කනගාටුවක් බව ඇය කියන්නීය.ස්වප්නා ටෙලිනාට්‍යයේ සාරියෙන් සැරසී සිටින අහිංසක යුවතිය සාමාන්‍ය ජීවිතයේ දී ඊට වඩා වෙනස් චරිතයකි. තමන් තාමත් යුවතියක නිසා සාරිය ඇඳීම අනවශ්‍ය බවත් සාරිය තමන්ට විශාල වැඩි බවත් ඇය පවසයි. සැහැල්ලු අඳුම් ඇඳීමට ප්‍රිය කරයි.
දීපිකා දේශපාලනයට උනන්දුවක් නොදැක්වුවද දේශපාලන ඥානයෙන් යුතු තැනැත්තියකි. විශේෂ කාරණය නම් ඇය තම ජාතිකත්වය ගැන දක්වන ආඩම්බරයයි.ඉන්දියාව දියුණු රටක් වුවත් එහි දියුණුවේ මග වහන්නේ වංචාව, දුෂණ, අක්‍රමිකතා බව ඇගේ අදහසයි.
2012 Star Parivaur Awards සම්මාන උළෙ‍ලේදී ලේලිය චරිතය වෙනුවෙන් හොඳම නිළිය සම්මානය ඇය දිනා ගත්තාය. Zee Gold Awards සම්මාන උළෙ‍ලේදී හොඳම ආධුනික නිළියට හිමි සම්මානය ද Indian Tally Awards සම්මාන උළෙ‍ලේ ජනප්‍රියම නිළිය සම්මානය ද දිනාගත් ඇය 2013 ඉබචප චපඪමචභප සම්මාන උළෙ‍ලේදී ලේලිය චරිතය වෙනුවෙන් හොඳම නිළිය සඳහා නිර්දේශ වූවාය.
නාරද කරුණාතිලක
No comments:
Post a Comment